Озарбайжон манати 50 фоизга қадрсизланди

Озарбайжон миллий валютаси – манат 21 декабрь куни 48 фоизга девальвация қилинди. Бу ҳақда “Интерфакс-Азербаджан” агентлиги хабар бермоқда.

21 декабрь куни Озарбайжон марказий банки расмий курсни 1.55 манат/1 доллар миқдорида белгилади. 18 декабрь куни курс қарийб 1 манат/1 долларни ташкил қилаётган эди. Шу тариқа, уч кун ичида пулнинг қадри 47.6 фоизга тушиб кетди.