Австралияга қизил чумолилар таҳдид солмоқда

Австралияни қизил ёрқин чумолилар босиб кетди, деб хабар қилмоқда BBC. Улар энг катта маҳаллий зараркунанда бўлиши ва уларнинг мамлакатга етказган зарари ёввойи қуён, қамишзор бақалари ҳамда тулкиларнинг биргаликдаги талофатидан ортиб кетиши мумкин. Экспертларнинг ҳисоб-китобларига кўра, чумолилар чақишидан сўнг юз берадиган анафилактик реакциялар сони бир йилда 3 мингга етади. 

Қизил чумолилар 2001 йилда Брисбен денгиз порти орқали Австралияга кириб келган. Улар Квинсленд жануби-шарқини ишғол қилиб бўлган ва эндиликда Янги Жанубий Уэльс томон йўналмоқда. Қизил чумолиларнинг заҳри аллергик реакцияларга сабаб бўлиши, айрим ҳолларда ўлим ҳолатлари ҳам қайд этилиши мумкин. Хусусан, АҚШда ушбу ҳашарот чақишидан 80 дан ортиқ ўлим ҳолати рўйхатга олинган. «Бу чумолилар иқтисодиётга, атроф-муҳитга, соғлиқни сақлаш тизими ва бизнинг турмуш тарзимизга зиён етказади», – дейди агрессив турлар бўйича кенгаш директори Эндрю Кокс. 

Қишлоқ хўжалиги федерал вазирлиги вакили Барнаби Жойснинг сўзларига кўра, бу турдаги чумолиларга қарши 328 млн доллар сарфланган.