Шавкат Мирзиёев Туркияга ҳамдардлик йўллади

Ўзбекистон Республикасининг сайланган Президенти Шавкат Мирзиёев 10 декабрь куни Истанбул шаҳрида юз берган ва кўплаб инсонларнинг ҳалок бўлишига сабаб бўлган террорчилик ҳаракати муносабати билан Туркия Республикаси Президенти Ражаб Тоййиб Эрдўғанга ва бутун Туркия халқига чуқур таъзия билдирди.

Ўзбекистон ТИВ сайтида келтирилишича, Мирзиёев ўз мактубида ҳалок бўлганларнинг оила аъзолари ва яқинларига самимий ҳамдардлик сўзларини изҳор қилган.

Охирги маълумотларга қараганда, «Бешиктош» футбол клуби стадиони яқинида юз берган портлаш қурбонлари сони 39 кишини ташкил этди.