НАТО бош котиби Украинага ваъда берди

Киев шаҳрига ташриф билан келган НАТО бош котиби Йенс Столтенберг Украинага альянс билан янада қалин ҳамкорлик ҳақида ваъда берди. Шунингдек, у ушбу давлат қуролли кучларини қўллаб-қувватлаш ҳақида ҳам гапирган.

«НАТО Украинанинг суверенитети, ҳудудий яхлитлиги, демократик институтлари ва қуролли кучларини фаол қўллаб-қувватлади. НАТО бундан кейин ҳам Украина билан мудофаа, бошқарув ва иқтисодий ислоҳотлар масалаларида қалин ҳамкорлик қилади. Булар ушбу давлатдаги барқарорлик, фаровонлик ва ривож учун жуда муҳим», - дея маълум қилди Столтенберг «112 Украина» телеканали эфирида.

Аввалроқ НАТО бош котиби Йенс Столтенберг ва Шимолий Атлантика альянси кенгаши аъзолари Киев шаҳрига келишгани ҳақида хабар берилганди.