ОАВ: Apple икки турдаги iPod плеерларини ишлаб чиқаришни тўхтатади

Американинг Apple компанияси иккита қурилмани ишлаб чиқаришни тўхтатади. Булар iPod shuffle ва iPod nano рақамли аудиоплеерлардир. Бу ҳақда унинг қатор ОАВда эълон қилинган баёнотида сўз юритилган. Хусусан, The Verge портали ҳам шу ҳақда хабар қилди.

"Бугун биз iPod қаторини соддалаштирамиз. Эндиликда, иккита iPod touch модели хотираси икки карра кўпайтирилади ва энг арзони 199 доллар туради. Биз iPod shuffle ва iPod nano плеерларини ишлаб чиқаришдан оламиз", - дейилади ҳужжатда. 

iPod touch қурилмалари 32 ва 128 гигабайтлик ички хотира билан 199 ва 299 доллар нархда сотилади. 16 ва 64 гигабайт хотирага эга моделлари эса бошқа ишлаб чиқарилмайди. 

Ҳозирда iPod shuffle ва iPod nano Apple компаниясининг тармоқ дўконларида йўқ бўлса-да, уларни АҚШдаги айрим савдо марказларида ҳамон харид қилиш мумкин. Улар Apple компаниясининг бирмунча арзон маҳсулотлари ҳисобланар эди. iPod nano 149, iPod shuffle 49 доллардан сотилган.

iPod shuffle 2005 йилда бозорда пайдо бўлган. iPod nano ўша йилнинг охирларида мижозларга тақдим этилган. Bloomberg агентлигига кўра, Apple умумий ҳисобда 400 млн донадан ортиқ турли намунадаги iPod плеерларини сотган. Турли хил iPhone смартфонларидан эса 1 млрддан ортиқ сотилган.