Путин Сурияда ИШИДнинг батамом яксон қилинганини эълон қилди  

Россия президенти Владимир Путин Сурияда Фрот дарёсининг икки томонида ҳам ИШИД террорчилик гуруҳи тўлиқ яксон қилинганини эълон қилди. 

“2 соат аввал мудофаа вазири Фротнинг шарқий ва ғарбий соҳилларидаги операция террорчиларнинг тўлиқ яксон этилиши билан якунланганини маълум қилди”, деб айтган Путин журналистларга.

“Албатта, баъзи қаршилик ўчоқлари қолган бўлиши мумкин, бироқ умуман олганда бу ҳудудда ва бу босқичда жанговар иш якунланди. Қайтараман, тўлиқ ғалаба ва террорчиларнинг яксон қилиниши билан якунланди”, деб қўшимча қилган Путин.