КХДР БМТнинг янги санкцияларини уруш акти деб атади

Шимолий Корея БМТнинг янги санкцияларини «уруш ҳаракати» сифатида рад этади. КХДР Ташқи ишлар вазирлиги баёнотида БМТ Хавфсизлик кенгашининг қарори тўла иқтисодий блокада сифатида баҳоланган.

«Биз АҚШ томонидан ядро хавфлари, товламачилик ва душманлик ҳаракатларини кучларнинг амалий мувозанатини ўрнатиш йўли билан асосли йўқотишга қаратилган тийиб туриш мудофаа ядро тизимимизни мустаҳкамлашда давом этамиз», — дейилган вазирлик баёнотида.

Шимол корейслари АҚШ «давлат ядро кучлари ишга туширилишининг буюк тарихий якунланиши қаршисида тўла вазифага тушиб қолган»ини таъкидлаган.

БМТ Хавфсизлик кенгаши 22 декабрь куни бир овоздан Пхенянга нисбатан янада кескинроқ чоралар назарда тутилган янги санкциялар бўйича резолюцияни қабул қилганди. Янги чоралар 1 январдан бошлаб ушбу мамлакатга нефть маҳсулотлари етказиб беришни 90 фоизга қисқартиришни кўзда тутади.

Бундан ташқари, КХДРга турли минераллар, кимёвий маҳсулотлар, электроника маҳсулотлари ва қурилмалар, шунингдек, айрим озиқ-овқат маҳсулотлари етказиб беришни тўхтатиш мўлжалланган. Ҳужжатга кўра, Шимолий Кореядан электрқурилмалар ва қишлоқ хўжалиги маҳсулотлари сотиб олиш тақиқланади.

Чегарадан ташқарида ишлаётган барча Шимолий Корея фуқаролари 2 йил мобайнида ортга қайтарилади. Бу эса Шимолий Кореяга валюта оқимини кескин даражада қисқартиради.

Бундай чоралар КХДРда 28 ноябрь куни навбатдаги ракета синовлари ўтказилганига жавобан қўлланмоқда.