АҚШда Россияга қарши янги санкциялар муҳокама қилинади

АҚШ ҳукумати яқин вақт ичида Россияга қарши янги санкцияларни муҳокама қилади. Бу ҳақда «Коммерсантъ» нашри Қўшма Штатлар Давлат департаментига яқин бўлган манбага асосан хабар бермоқда.

«Оқ уйда шу ҳафтаёқ Россияга қарши янги санкциялар муҳокама қилинади», - дея маълум қилган манба.

Шунингдек унинг қўшимча қилишича, янги санкциялар АҚШ президенти Дональд Трампнинг маслаҳатчиси Жон Болтон томонидан тақдим этилади.

Эслатиб ўтамиз, аввалроқ АҚШ россиялик 38 тадбиркор ва 15та компанияни санкциялар рўйхатига киритганди. Рўйхатда «Газпром» раҳбари Алексей Миллер, En+ эгаси Олег Дерипаска, ВТБ раҳбари Андрей Костин ва «Ренова» эгаси Виктор Вексельберг бор. Шунингдек, санкциялар Газпромбанк бошқаруви раиси Андрей Акимов, «Сургутнефтегаз» бош директори Владимир Богданов, Тула области губернатори Алексей Дюмин, РИСИ директори Михаил Фрадков, «Зенит» футбол клуби директори ва Россия футбол иттифоқи собиқ раҳбари Сергей Фурсенкога нисбатан ҳам жорий этилди.

Бундан ташқари, АҚШ Россияга қарши янги санкцияларни нега жорий этгани айтилганди.