Қашқадарёда аёл “Ласетти” эгасини 6000 долларга чув туширди

Иллюстратив фото

27 август куни ИИБга тушган ҳужжатларга кўра, муқаддам судланган Д.Р. исмли аёл 2018 йил 30 июнь куни Қашқадарё вилоятининг Қарши шаҳри Насаф кўчасида жойлашган савдо дўкони олдида фуқаро Ж.Қ.нинг “Ласетти” автомашинасини сотиб бериши ва пулини бир ой муддатда беришини айтган.

Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабарига кўра, у алдов йўли билан автомашинани олгани, бироқ уни 6 000 АҚШ долларига сотиб юбориб, шу кунгача пулларни бермасдан келаётгани кўрсатилган.

Мурожаатга мувофиқ Д.Р. қўлга олинган.