Шимолий ва Жанубий Корея ядро қуроли бўйича муҳим келишувга эришди

Фото: AP

Шимолий ва Жанубий Корея етакчилари Ким Чен Ин ҳамда Мун Чжэ Ин қўшма баёнотни имзоладилар. Маросим жонли эфирга узатилди, дея хабар беради Yonhap агентлиги.

Битим тафсилотлари бирданига очиқланмади. Кейинчалик матбуот анжуманида Жанубий Корея президенти Пхеньян ва Сеул, хусусан, ярим оролдан ядро қуролини йўқотиш ҳақида келишиб олганини айтди.

Шунингдек, чоршанба куни мамлакатлар ўртасида ҳарбий битим имзоланди. Уни икки давлат раҳбарларининг иштирокида мамлакатлар мудофаа вазирлари имзолади. Ҳужжат Кореялар ўртасида уруш хавфини бартараф этиш, зиддиятни камайтиришни назарда тутади.