Арда Туран давлат тўнтаришига алоқадорликда гумонланмоқда

Истанбул прокуратураси трансфер ҳуқуқи «Барселона»га тегишли бўлган, ижара асосида «Истанбул Бешикшеҳир» клубида тўп сураётган яримҳимоячи Арда Туран устидан суриштирув бошлади.

Marca нашри хабарига кўра, 31 ёшли футболчи 2016 йилнинг 16 июлида Туркияда давлат тўнтаришга уринишни содир этишда айбланаётган Фатҳуллоҳ Гулен билан алоқадорликда гумон қилинмоқда.

Шунингдек, Туркия терма жамоасининг собиқ футболчилари Эмре Белезўғли, Ўқон Буруқ ва Булент Қўрқмазга нисбатан ҳам суриштирув бошланган.

Аввалроқ, Арда Туран тегажоғлиқ қилиш, ноқонуний қурол олиб юриш ва тан жароҳати етказишда айбланган эди.

Футболчи тунги клублардан бирида туркиялик қўшиқчи Беркай Шаҳиннинг рафиқасига шилқимлик қилган, шундан сўнг, унинг ўзи билан муштлашиб, бурнини синдирган эди. 

Бу жиноят иши юзасидан Туран 12,5 йилга қамалиши мумкинлиги айтилган.