ЕИ махсус вакили Питер Буриан октябрда Ўзбекистонга келади

Фото: Akipress

Ўзбекистоннинг Евроиттифоқдаги миссияси раҳбари Дилёр Ҳакимов ва ЕИ кенгашининг сиёсат ва хавфсизлик масалалари бўйича қўмитаси раиси София Эммесбергер қўмита делегациясининг 2-4 октябрда Тошкентга амалга оширадиган бўлажак ташрифини муҳокама қилди.

Делегация таркибидан Евроиттифоқ мамлакатларининг қўмитадаги элчилари, ЕИнинг Марказий Осиё бўйича махсус вакили Буриан ҳамда Европа ташқи ҳаракатлар хизмати вакиллари ўрин олган, деб хабар берди Ўзбекистон ТИВ матбуот хизмати.

Учрашувда томонлар шунингдек, ЕХҲТ миссиясининг шу йилнинг декабрида Ўзбекистонда бўлиб ўтадиган парламент сайловларига илк ташрифини муҳокама қилди.