Европарламент биносига бошпанасизлар жойлаштирилади

Коронавирус пандемияси шароитида Европарламентнинг Брюсселдаги биносининг бир қисмига бошпанасизлар жойлаштирилади, бинодаги ошхоналарда эса шифокорлар ва муҳтожлар учун тушликлар тайёрланади.

Фото: ANP

Бу ҳақда Европарламент раиси Давид Сассолининг баёнотида айтилган.

“Брюссель региони билан келишувга кўра, биз биномизнинг бир қисмини соғлиқни сақлаш соҳасидаги жиддий фавқулодда вазият вақтида бошпанасизлар ва жамиятнинг заиф қатламларига тақдим қилишга қарор қилдик”, деб айтган Сассоли.

Унинг таъкидлашича, Европарламент биноси ошхоналари кунига мингдан кўпроқ тушлик тайёрлайди. Бу тушликлар муҳтожларга ва шифокорларга уларга ёрдам тариқасида тарқатилади.

“Биз азият чекаётганлар, шифохоналаримизда тинимсиз меҳнат қилаётганлар, шаҳарга ва Брюссель одамларига, шунингдек, Страсбург ва Люксембургда яшайдиганларга, бизни қутлайдиганлар ва бугунги кунда ёрдамимизга муҳтожларга қалбан яқинмиз. Европанинг қудрати унинг бирдамликда ҳаракат қила олишидадир”, деб таъкидлаб ўтган Европарламент раҳбари.

Аввалроқ Европарламент пандемия ортида Страсбургда ўтадиган анъанавий ялпи сессияларини камида сентябргача тўхтатганди. Брюсселда қисқа сессиялар ўтмоқда ва евродепутатларга уларда масофадан иштирок этиш имкони берилган.

Тайёрлаган Шуҳрат Раҳимов

#Брюссель #Европарламент #бошпанасизлар

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.