Россия Беларусга ҳарбий техника етказиб берадиган бўлди

Беларусь мудофаа вазири ўринбосари Сергей Симоненко бошчилигидаги қуролли кучлар делегацияси "Армия-2020" ҳарбий-техник форуми доирасида замонавий техника ва қуроллар билан танишган.

МИ-35 вертолётлари / Фото: Sputnik

Москва ва Минск Беларусга зирҳли техника ва МИ-35 вертолётларини етказиб бериш тўғрисида келишувга эришди. Бу ҳақда Беларусь мудофаа вазирлиги хабар берди.

Қайд этилишича, шунингдек, 2025 йилга қадар замонавий ҳаво ҳужумидан мудофаа тизимларини етказиб бериш бўйича ҳаракатлар режаси имзоланган.

Хабарга кўра, Беларусь мудофаа вазири ўринбосари Сергей Симоненко бошчилигидаги қуролли кучлар делегацияси "Армия-2020" ҳарбий-техник форуми доирасида замонавий техника ва қуроллар билан танишган.

Форум давомида икки батальон БТР-82А зирҳли техникалари ва тўртта Ми-35М вертолётини етказиб бериш бўйича шартнома имзоланган.

Тайёрлаган Дилшод Аскаров

#Россия #Беларусь

2020 йилнинг 9 августида Беларусда президентлик сайловлари ўтказилади. 26 йилдан буён мамлакатни бошқараётган Лукашенко бу сафар ҳам номзодини қўйган.