Туркияда коронавирусга чалинган оғир беморлар сони ошмоқда

Туркияда коронавирусга чалинган оғир беморлар сони ошмоқда. Мамлакатда коронавирус тарқалиши жадаллиги 14 кундан бери салбий кўриниш олган. Охирги кунларда коронавирусга чалинганларнинг кунлик кўпайиш даражаси 1500 нафардан ошиб кетган.

Фото: REUTERS/Murad Sezer

Туркия соғлиқни сақлаш вазирлигининг хабар беришича, охирги суткада касалланганлар сони 1549 нафарни ташкил қилган, инфекциядан 39 киши вафот этган.

Мамлакатда пандемия бошидан бери умумий ҳисобда касалланганлар сони 267 мингдан ошиб кетган, 6,2 мингдан кўпроқ киши вафот этган. Шу билан бирга 242 мингдан кўпроқ одам инфекциядан соғайиб кетган.

Бундай салбий кўрсаткичларга қарамай, Туркия ҳукумати сайёҳлик мавсумини очиш учун барча ишни қилмоқда. 2020 йилда мамлакат коронавирус тарқалиши ортида киритилган чекловлар сабабли йиллик сайёҳлар оқимининг ярмини йўқотган.

Расмий маълумотларга кўра, 2019 йилда Туркияга 39,5 млн сайёҳ ташриф буюрган. Агар мамлакатда коронавируснинг иккинчи тўлқини юз бермаса ва янги чекловлар киритилмаса, 2020 йилда бу кўрсаткич 15 млн кишидан ошиши кутилмоқда.

Тайёрлаган Шуҳрат Раҳимов

#Туркия #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.