Лукашенкога Олимпиада ўйинларига бориш тақиқланди

ХОҚ президенти Томас Бахнинг сўзларига кўра, Лукашенко раҳбарлик қилаётган Беларус миллий олимпия қўмитасининг ҳозирги раҳбарияти спортчиларни сиёсий дискриминациядан ҳимоя қилмаяпти.

Фото: DPA

Беларус президенти Александр Лукашенкога Халқаро олимпия қўмитасининг (ХОҚ) барча тадбирларида қатнашиш тақиқланди. Бу ҳақда ташкилот президенти Томас Бах маълум қилди.

Тақиқ шунингдек, Олимпиада ўйинларига ҳам тааллуқли. Қайд этилишича, ушбу чора ҳозирча вақтинчалик тусга эга.

Бахнинг сўзларига кўра, Лукашенко раҳбарлик қилаётган Беларус миллий олимпия қўмитасининг ҳозирги раҳбарияти спортчиларни сиёсий дискриминациядан ҳимоя қилмаяпти.

Навбатдаги Олимпиада ўйинлари 2021 йил ёзда Токиода бўлиб ўтади. Ўйинлар коронавирус пандемияси сабабли бир йилга кечиктирилган.

Тайёрлаган Дилшод Аскаров

#Александр Лукашенко #олимпиада

2020 йилнинг 9 августида Беларусда президентлик сайловлари ўтказилади. 26 йилдан буён мамлакатни бошқараётган Лукашенко бу сафар ҳам номзодини қўйган.