АҚШда сентябрда коронавирусга қарши оммавий ревакцинация бошланади

АҚШда сентябрда коронавирусга қарши ревакцинация - вакцинанинг учинчи дозаси билан эмлаш бошланади. Бу ҳақда АҚШ Соғлиқни сақлаш вазирлиги маълум қилди.

Президент Жо Байден маъмурияти режасига кўра, ревакцинация 20 сентябрда бошланади. Вакцинанинг учинчи дозаси билан дастлаб тиббий ходимлар, кекса ёшлилар ва икки доза билан қолганлардан эртароқ эмланган аҳоли гуруҳлари эмланади.

Соғлиқни сақлаш вазирлигида таъкидланишича, учинчи дозани киритиш зарурати одамларда дастлабки эмлашдан кейин иммунитет секин-аста кучсизлангани ҳамда дельта-штамм тарқалиши билан боғланган. 

Pfizer/BioNTech ва Moderna вакцинасининг иккинчи дозасини олганига 8 ойдан ошган кишилар учинчи доза билан эмланиши мумкин. Ҳукумат Johnson & Johnson’ компаниясининг бир дозали вакцинасини олганлар билан ушбу вазиятда қандай йўл тутиш зарурлиги масаласини ўрганиб чиқади. Ҳозирча ушбу вакцина билан эмланганлар ревакцинация қилинмайди.

Бир қатор давлатлар, жумладан Исроил, Франция, Германия, Британия ҳам ревакцинация ўтказмоқчи.

Бироқ ЖССТ ҳозирча ревакцинацияни ўтказмасликка ва бунинг ўрнига вакциналар аҳолиси вакцинанинг биринчи дозасини ҳам ололмаган ночор давлатларга йўналтиришга чақирган.