Виталий Кличко яқин орада Киев мэри лавозимидан олиниши мумкин - ОАВ

“Халқ хизматкори” ва Киев маъмуриятидаги бирданига бир нечта манба Кличконинг ўз лавозимидан олиниши масаласи 100 фоиз ҳал бўлганини ва ҳозирда президент Владимир Зеленский уни ўрнига кимни тайинлаш масаласини ҳал қилаётганини маълум қилган. Манбаларимизнинг айтишича, Кличконинг ўрнини обшчина ва ҳудудлар вазири Алексей Чернишов эгаллайди”, деб айтилган хабарда.

Кличконинг бўшатилиши мумкинлигини Украина парламентидаги “Голос” фракцияси раиси Ярослав Железняк ҳам тасдиқлаган. Унинг таъкидлашича, Киев маъмуриятида ходимлар ўзгартирилиши масаласи 23 августдаги навбатдан ташқари сессияда кўриб чиқилади.

Аввалроқ собиқ боксчи президент Зеленский билан ўрталарида низо йўқлигини, бироқ вақти-вақти билан ўзаро муносабатларида кескинлик бўлиб туришини айтган.

Кличконинг партияси “Удар”нинг таъкидлашича, Украина президенти офиси Кличкони Зеленскийнинг бош рақобатчиси деб ҳисоблайди. Партияда таъкидланишича, ҳукумат Киев мэри лавозимида халқ сайлаган одамни эмас, балки “ўз одами”ни кўрмоқчи.

50 ёшли Кличко Киев мэри лавозимини 2014 йил июндан бери эгаллаб келади.