Колумбияда бир фуқаро коронавирусга қарши 7 марта эмланди

Колумбиянинг Кали шаҳрида яшовчи эркак коронавирусга қарши 7 марта эмланди. Маҳаллий идоралар ушбу ҳолат юзасидан суриштирув бошлашди, деб хабар берди Noticias Caracol телеканали.

Кали соғлиқни сақлаш вазири Миерланди Торреснинг таъкидлашича, керагидан ортиқ эмланган шахс 60 ёшли эркак бўлиб, у руҳий муаммоларга эга бўлиши мумкин.

Эркак турли компаниялар, жумладан Sinovac, AztraZeneca, Pfizer ва Janssen вакциналари билан эмланган. Эътиборлиси, бундай кўп миқдордаги вакцина эркакда ножўя таъсирлар келтириб чиқармаган.

Шаҳар маъмурияти келгусида бундай ҳолатлар олдини олиш учун одамлар эмланишга рози эканликларини тасдиқловчи электрон бланк ишлаб чиқди. Бланкни эмланишдан олдин принтердан чиқариб, эмлаш пунктига олиб келиш керак. У ерда бланк имзоланади. Бундан ташқари, соғлиқни сақлаш идоралари шунга ўхшаш ҳодисаларни аниқлаш бўйича тафтиш ўтказишни режалаштирмоқда.

Охирги маълумотларга кўра, дунёда коронавирусга қарши 5 млрддан кўпроқ вакцина одамларга киритилди. Яман, Конго, Чад ва Ҳаитида аҳолини эмлаш даражаси энг паст, Мальтада эса энг юқори кўрсаткични ташкил қилмоқда.