Москвада мигрантлар ўртасида яна оммавий муштлашув юз берди

Полиция йигирмадан ортиқ кишини қўлга олган. Барча тартиббузарларга нисбатан 12 суткалик қамоқ жазоси тайинланган.

Москвадаги ҳостеллардан бирида мигрантлар ўртасида оммавий муштлашув юз берди. RT телеграм-каналида муштлашув тасвирланган видеолавҳа жойлаштирилди.

Москва шаҳар ИИВ бош бошқармасининг маълумот беришича, воқеа Адмирал Корнилов кўчасидаги ҳостелда юз берган. Полиция йигирмадан ортиқ кишини қўлга олган.

Барча тартиббузарларга нисбатан 12 суткалик қамоқ жазоси тайинланган. Бундан ташқари, улардан беш нафарини Россиядан депортация қилиш масаласи кўрилмоқда.

Июл охирларида ҳам Москвада 30дан ортиқ хориж фуқаролари иштирокида оммавий муштлашув юз берганди.