Мбаппе ёзда «ПСЖ»дан кетади. Европа пойтахтларидан янги инсайдлар келмоқда

Килиан Мбаппенинг Париждан Мадридга ўтиш-ўтмаслиги бўйича бир неча йилдан буён давом этаётган футбол сериали поёнига етмоқда. Француз футболчиси келажаги борасида бир қарорга келган. «ПСЖ» билан шартномаси муддати жорий мавсум охирида тугайдиган 25 ёшли форвард барибир орзусидаги жамоага ўтадиган бўлмоқда. Бу маълумот ҳам Испаниядаги, ҳам Испаниядаги сон-саноқсиз манбалар томонидан тарқатилмоқда.

Париж клубига яқин ҳисобланган Le Parisien газетаси маълумотига кўра, Мбаппе эркин агент мақомида «Реал»га ўтиш қарорига келган ва бу ҳақда аллақачон «ПСЖ» раҳбариятига ҳам маълум қилган. У Франция чемпиони билан келишувни узайтирмайди. Футбол оламидаги энг катта инсайдер Фабрицио Романо ҳам трансферга тайёрлик кўрилаётгани ҳақидаги маълумотни тасдиқлаган.

«Мадриднинг «Реал» клуби саҳна ортида қаттиқ иш олиб бормоқда ва Мбаппе билан шартнома имзолаш бўйича музокаралар ўтказмоқда. «Реал» бу ишни бошлаган», – дея ёзган Романо ижтимоий тармоқдаги саҳифаларида.

Испаниядаги Relevo нашрига кўра, «қаймоқранглилар» президенти Флорентино Перес Мбаппе трансфери орқали молиявий қийинчиликка учраган ва янги футболчиларни ўзига  жалб эта олмаётган «Барселона»га зарба бермоқчи. Перес таъмирланаётган «Сантияго Бернабеу» стадиони қайтадан очилишини янги «галактикос» билан нишонлашни ният қилган.

Мадриддаги Marca нашри маълумотига кўра, Мбаппе феврал ойидаёқ «ПСЖ» кетиши ҳақида эълон қилади. Лига 1 телеҳуқуқлари сотилишига салбий таъсир кўрсатмаслик учун бу ҳозирча кечикаётгани айтилган. «Реал» клуби матбуот хизмати 2 феврал куни Килианнинг келишининг анонси деб ҳисоблаш мумкин бўлган видеони намойиш этганди. Бу видеода сана ва «янги» сўзи акс этганди.

ОАВда «Реал»нинг Мбаппе билан келишувига оид айрим тафсилотлар пайдо бўлган. ESPN маълумотига кўра, мадридликлар клуби Килианга Винисиус Жуниор ва Жуд Беллингҳемга қараганда кўпроқ тўламоқчи эмас. «Реал»нинг бу юлдузлари ҳозирда йилига 10,5 млн евро атрофида ишлаб топади. Германиядаги Bild нашри эса бир неча кун муқаддам ўз инсайдини тарқатганди: унга кўра, Мбаппе йилига 70 млн евро миқдорида маош сўраган, Перес эса йилига 35 млн евродан ортиқ (солиқлардан ташқари) тўлай олмаслигини билдирган. Бундан ташқари, Килианнинг оиласи бонус ва футболчининг агенти саналган онасига мукофот пули сифатида 100-125 млн евро олишни кўзлаган. Бундай ҳолатда форвард «Реал»га жами 450 млн еврога тушади. 

Ниҳоят, L’Équipe хабарига кўра, «Реал» Мбаппега дедлайн қўймаган, аммо 2022 йилдаги ҳолат такрорланмаслиги учун форвард тезроқ қабул қилишини истайди. Килиан бунга рози бўлмаган тақдирда, мадридликлар клуби асосий эътиборини бошқа ҳужумчиларга, биринчи навбатда «Манчестер Сити»дан Эрлинг Ҳоландни трансфер қилишга қаратган бўларди. Мбаппедан хат орқали розилик кафолати, табиийки дастлабки шартномани имзолаш сўралмоқда.

Бу вақтда Мбаппе «Реал»га 2024 йил ёзида ўтаётганини тасдиқлаётган ESPN қизиқарли тафсилотлар билан бўлишган. Манбага кўра, Килиан «ПСЖ»дан молиявий жиҳатдан яхшиланган янги шартнома бўйича таклиф олган, шунга қарамай, Мадридга ўтиш учун буни рад этган. Амалдаги шартномага кўра, форварднинг йиллик маоши миқдори 72 млн еврони ташкил этади. Парижликлар клубини тарк этиш орқали Мбаппе унинг келишувида содиқлик учун бонус сифатида белгиланган 100 млн евродан ҳам маҳрум бўлади. Шу билан бирга, Килиан яқин вақтларга қадар «ПСЖ» раҳбариятига «Реал» таклифини қабул қилиш қарори ҳақида айтмаган, шунинг учун Франция чемпионлари икки эҳтимолий сценарийни ишлаб чиқишган – футболчи кетиши ёки қолиши эҳтимоли ҳисобга олинган ҳолда.

Мбаппе январ ойи ўрталарида ўз келажаги борасидаги саволга тўғридан тўғри жавоб беришдан қочганди. «Мен ўз фаолиятимни ўз йўлимда давом эттириш ҳақида ўйлаяпман», – деганди у. Афтидан, франциялик футболчи ўзининг кейинги қадами қандай бўлишини аниқ билади.

Мбаппе аллақачон 25 ёшда ва ҳали бирор марта «Олтин тўп»ни қўлга киритмади ва сўнгги йилларда бу нуфузли мукофотдан узоқлашди ва Ҳоланддан ҳам ортда қола бошлади. Ҳолбуки Килиан катта шов-шувлар билан «ПСЖ» трансфер бўлганида у ҳақда деярли ҳеч ким билмасди. Ҳозирда эса кўпчилик мукофот учун Жуд Беллингҳемни асосий даъвогар сифатида кўрмоқда, у ўтган мавсумда бундеслигада ҳам асосий юлдуз эмасди. Ўз вақтида салоҳияти билан Роналду ва Мессига тенглаштирилган француз энди вазиятни ўзгартиришга зарурат сезмоқда. 

Килиан ниҳоят ЕЧЛда ғалаба қозониши ва самарадорлик бўйича рекордларни янгилаши учун ҳозирда «Реал»да барча шароитлар муҳайё: Анчелотти кийим алмаштириш хонасида ажойиб муҳит яратган, Бензема кетгач эса ҳужум маркази бўшаган, Тшуамени, Валверде ва Камавинга майдон марказида Модрич ва Крооснинг ўрнини эгаллашмоқда, ҳужум чизиғи Беллингҳем, Винисиус Жуниор ва Родриго каби катта салоҳиятга эга футболчилар билан қўллаб-қувватланади. Вини ва Мбаппега бир вақтнинг ўзида жой топиб бериш муаммоси ҳам бор (уларнинг иккиси ҳам ҳужумнинг чап қанотида ўйнашади), аммо бу бош мураббий учун ёқимли бош оғриғи саналади.

Sports Zone маълумотига кўра, «Реал» Килианга ҳозирда Лука Модричга тегишли бўлган 10-рақамни таклиф этган. Хорватиялик футболчи клуб билан шартномасини узайтирмасликка қарор қилган ва мавсум якунида Саудия Арабистони клубларидан бирига ўтиши мумкин.

Аввалроқ Metro Винисиус Жуниор Мбаппенинг келишига қарши экани ва у келган тақдирда ҳужумнинг чап қанотидаги ўрнини йўқотиб қўйишидан хавотирланаётгани ва ўзини трансферга қўйишни сўраши ҳақида хабарлар тарқатганди, Sky Sports маълумотига кўра унга «Манчестер Юнайтед»дан қизиқиш мавжуд, инглизлар клуби бразилияликнинг трансфери учун 135 млн фунт тўлашга тайёр.

Аммо «Реал» Винисиус Жуниор билан ҳам, Жуд Беллингҳем билан ҳам хайрлашмоқчи эмас. Marca хабарига кўра, клуб учала юлдузга ҳам майдонда бир вақтнинг ўзида жой топиб бермоқчи.