Исроил Мадримов билан Сергей Богачук жанги бекор қилинди

Ўзбекистонлик боксчи бетоб бўлгани таъкидланмоқда. Жангда Мадримовнинг ўрнини бошқа боксчи эгаллайди.

Фото: Getty Images

Биринчи ўрта вазнда собиқ жаҳон чемпиони Исроил Мадримовнинг 21 декабр кунига белгиланган жанги ўтказилмайди. Бу ҳақда Ўзбекистон профессионал бокс федерацияси хабар берди.

Қайд қилинишича, 29 ёшли Мадримов шу куни Саудия Арабистони пойтахти Ар-Риёз шаҳрида украиналик Сергей Богачукка қарши рингга чиқиши керак эди. Аммо Исроилнинг бетоблиги, яъни ўткир бронхит бўлгани сабабли жанг бекор қилинган.

Таъкидланишича, Мадримовнинг ўрнини британиялик боксчи Исмаэл Салас эгаллайди. Мадримов эса энди 22 феврал куни WBC вақтинчалик чемпиони Вержил Ортисга қарши кечадиган жангга тайёргарлик кўради.

Маълумот ўрнида, Мадримов (10-1-1) охирги жангини 4 август куни америкалик Теренс Кроуфордга қарши ўтказиб, очколар ҳисобига кўра мағлуб бўлганди. 29 ёшли Богачук (24-2-0) эса сўнгги жангида америкалик Вержил Ортисга ютқазган.