Bosniya va Gertsogovina poytaxti Sarayevo shahrida davom etayotgan dzyudo bo‘yicha o‘smirlar o‘rtasidagi jahon chempionatida o‘zbekistonlik sportchi ilk medalni qo‘lga kiritdi.
Qizlar o‘rtasida -48 kilogramm vazn toifasida tatamiga chiqqan Diyora Keldiyorova barcha raqibalarini mag‘lubiyatga uchratib, oltin medalga sazovor bo‘ldi.
U dastlab vengriyalik Aleksandra Marotini 2:45 daqiqada taslim etdi. Ikkinchi davrada gollandiyalik Aniyek Norderni 38 soniyada, braziliyalik Gabriyela Klimenteni 14 soniyada, yarim finalda turkiyalik Tukjye Bederni 1:20 daqiqada finalda esa boshqa bir gollandiyalik dzyudochi Yoriyen Visser 1:39 daqiqada mag‘lub etildi.