16:38 / 17.04.2017
10620

«Chelsi» futbolchisi antiqa sabab bilan jarohat oldi

«Chelsi» darvozaboni Tibo Kurtuaning qanday sabab bilan jarohat olgani ma'lum bo‘ldi.

The Telegraph nashri tarqatgan xabarga ko‘ra, belgiyalik darvozabon MBA (Milliy basketbol assotsiatsiyasi) reklama rolikida suratga tushayotgan vaqtida to‘pig‘idan jarohat olgan. Tasvirlarga ko‘ra, Kurtua «Chelsi» mashg‘ulotlar maydonida futbolchilar bilan birga basketbol o‘ynayotgan vaqtida noqulay yiqilgan va to‘pig‘ini shikastlab olgan.

Jarohat natijasida Kurtua Angliya premer-ligasining «Manchester Yunayted»ga qarshi uchrashuvini (0:2) o‘tkazib yubordi. Katta ehtimol bilan u «Tottenhem»ga qarshi Angliya kubogi yarim final uchrashuvini ham o‘tkazib yuboradi.

Top