Davlat raqobat qo‘mitasi sobiq raisi Ravshan G‘ulomov yangi lavozimga tayinlandi.
“Huquqiy axborot” kanalining xabar berishicha, R.G‘ulomov Vazirlar Mahkamasining Makroiqtisodiy tahlil va prognozlashtirish, moliya va bank tizimlarini isloh qilish, xususiy tadbirkorlik va kichik biznesni rivojlantirish masalalari yig‘ma axborot-tahlil departamentining mudiri etib tayinlangan.
Hukumat 7 avgust kuni bu haqdagi tegishli qarorni chiqardi.
Turli yillarda Markaziy bank raisi birinchi o‘rinbosari (2001-2004), O‘zbekiston Milliy banki raisi birinchi o‘rinbosari va «Asaka» bank raisi (2004-2007), Moliya vaziri birinchi o‘rinbosari (2009-2010), Iqtisodiyot vaziri (2010-2012), Tashqi iqtisodiy aloqalar, savdo va investitsiya vaziri birinchi o‘rinbosari, O‘zbekiston Respublikasi Tiklanish va taraqqiyot jamg‘armasi ijrochi direktori bo‘lib ishlagan Ravshan G‘ulomov 2017 yil aprelidan buyon Davlat raqobat qo‘mitasiga rahbarlik qilib kelayotgandi.
