22:33 / 08.10.2018
10643

54 yillik “Qo‘ng‘iz” mashinasi million dollarlik narx bilan sotuvga qo‘yildi

Hemmings auksion uyi 1964 yilda ishlab chiqarilgan Volkswagen Beetle – “Qo‘ng‘iz” mashinasini sotuvga qo‘ydi. Mashina bir million dollarga baholangan. Mashinada bor-yo‘g‘i 35 km yo‘l yurilgan.

Qora rangli “Qo‘ng‘iz”ni 54 yil avval AQShning Portlend shahrida yashovchi avtomexanik Rudi Zvarich 1957 yilgi Volkswagen Beetle uchun ehtiyot qismlar sifatida qo‘llash maqsadida sotib olgan. Biroq bunga hojat bo‘lmagan va avtomobil shuncha vaqtdan beri garajda turgan.

Ta'kidlanishicha, mashina a'lo holatda bo‘lib, barcha qismlari, masalan, oyna tozalagichlari, g‘ildiraklari qopqoqlari, orqani ko‘rish oynalari original bo‘lib, o‘ralgan holatda saqlanib qolgan.

Ma'lumot uchun, 1938 yildan 2003 yilgacha Volkswagen Beetle’dan 21,5 mln dona ishlab chiqarilgan.

Mavzuga oid
Top