Gruziya parlamenti respublika sobiq prezidenti Mixail Saakashvili rejimini jinoiy deb e'lon qilish to‘g‘risidagi rezolyutsiya qabul qilinishiga qarshi ovoz berdi. Bu haqda «Interfaks» xabar qilmoqda.
Rezolyutsiya parlamentga «Gruziya vatanparvarlari ittifoqi» muxolif partiyasi deputatlari tomonidan kiritildi. Unda aytilishicha, «saylovlarni soxtalashtirish yo‘li bilan Saakashvili jinoiy, avtoritar rejimi Gruziyada qonunchilik va ijro etuvchi hokimiyatni tortib olgan». Mualliflarning fikricha, «Saakashvili rejimi o‘ziga sud tizimini bo‘ysundirgan, u esa, o‘z navbatida, qamoqxonalarda qiynoqlar va noinsoniy muomalaga duch kelgan, aholining 8 foizdan ortig‘ini aybdor deb topdi».
Rezolyutsiyada ta'kidlanishicha, Saakashvilining prezidentlik davrida 190 nafar siyosiy mahbus ozodlikdan mahrum qilish joylarida bo‘lgan.
Mixail Saakashvili 2004 yilda muxolifat namoyishlari ortidan hokimiyat tepasiga keldi, 2007 yilda Tbilisidagi ommaviy mitinglardan so‘ng iste'foga chiqish to‘g‘risida ixtiyoriy qaror qabul qildi. 2008 yilda u yana prezident bo‘ldi, lekin 2013 yilda, prezidentlik muddati yakunini kutmagan holda Gruziyadan chiqib ketdi.
Eslatib o‘tamiz, avvalroq Saakashvili Gruziyaga qachon qaytishi haqida gapirgandi.
