Foto: KUN.UZ
2019 yil 10 may kuni soat 18:30larda Majburiy ijro byurosi Shahrixon tuman bo‘limi davlat inspektorlari D.E. va I.U. xizmat vazifalarini bajarib, tumandagi «Saroy» mahallasida yashovchi S.B.ning xonadoni gaz hisoblagichi uskunasi ko‘rsatkichlarini xatlov dalolatnomasiga tushirayotgan bo‘lgan.
Bosh prokuratura matbuot xizmati xabariga ko‘ra, shu vaqtda S.B. (1975 y.t.) mast holatda, davlat inspektorlarining qonuniy faoliyatiga faol qarshilik ko‘rsatib, ularni chiqib ketishlarini qat'iy talab qilib, davlat inspektori I.U.ni (1988 y.t.) boshiga urib, tan jarohati yetkazgan.
Ushbu holat yuzasidan tuman prokuraturasi tomonidan S.B.ga nisbatan O‘zbekiston Respublikasi Jinoyat kodeksining 219-moddasi 1-qismi bilan jinoyat ishi qo‘zg‘atilgan.
