Foto: Marca
"Real Madrid" rasman Eden Azar transferini e'lon qildi. "Chelsi"ning sobiq futbolchisi o‘zining yangi jamoasi bilan 2024 yilning yoziga qadar shartnoma imzoladi. Bu haqda "Real" rasmiy sayti ma'lum qildi.
Belgiyalik futbolchi tez orada tibbiy ko‘rikdan o‘tadi. Hozircha shartnoma shartlari e'lon qilinmadi, biroq avvalroq 28 yoshli futbolchining transferi 100 mln yevroni tashkil qilishi haqida xabarlar tarqalgan edi.
Azar "Chelsi" tarkibida barcha musobaqalarni hisoblaganda 352 ta uchrashuv o‘tkazib, 110ta gol urishga muvaffaq bo‘lgan.
