«Real» klubi «Lion» himoyachisi Ferlan Mendi transferini amalga oshirdi.
23 yoshli fransiyalik bilan 2025 yil yozigacha mo‘ljallangan shartnoma imzolandi. Uning transfer qiymati 48 million yevroni, qo‘shimcha bonuslar esa 5 million yevroni tashkil qildi.
Mendi 19 iyun kuni «Santyago Bernabeu» stadionida rasman tanishtiriladi.
O‘tgan mavsumda futbolchi «Lion» tarkibida barcha musobaqalarda 44ta o‘yinda maydonga tushib, 3ta gol urgan va shuncha golga hammualliflik qilgan.
