O‘zbekiston Respublikasi prezidenti Shavkat Mirziyoyevga Birlashgan Millatlar Tashkilotining yuqumli bo‘lmagan kasalliklarning oldini olish va ularga qarshi kurashish bo‘yicha idoralararo ishchi guruhi (YuNIATF) mukofoti topshirildi.
“Yuksalish” harakati xabariga ko‘ra, YuNIATFning 11-yig‘ilishida (2018 yil 8–9-noyabr, Jyeneva) yuqumli bo‘lmagan kasalliklarning oldini olish va nazorat qilishda o‘zining salmoqli hissasini qo‘shayotgan shaxslar yutuqlarini tan olish va ommalashtirish maqsadida har yili maxsus mukofot ta'sis etishga qaror qildi.
2019 yil fevral oyida quyidagi to‘rt toifadagi tashkilotlar uchun nominatsiyalar e'lon qilindi:
Sog‘liqni saqlash vazirliklari (yoki sog‘liqni saqlash vazirligi qoshidagi davlat muassasalari);
Sog‘liqni saqlash sohasidan tashqari vazirliklar (yoki davlat muassasalari);
Nodavlat sub'yektlar (nodavlat tashkilotlar, ilmiy doiralar yoki xayriya tashkilotlari);
BMTning mamlakat jamoalari.
