Humo bankomatlaridan Uzcard kartalari orqali, Uzcard bankomatlaridan Humo kartalari orqali naqd pul yechish mumkin bo‘ladi.
Foto: Kun.uz
O‘zbekistonda Uzcard va Humo to‘lov tizimlarining bankomatlarini integratsiya qilish ishlari 2023 yil may oyigacha yakunlanishi mumkin.
Bu haqda bugun, 26 yanvar kuni bo‘lib o‘tgan matbuot anjumanida Kun.uz muxbiri savoliga javoban Markaziy bank raisi Mamarizo Nurmurodov ma’lum qildi.
Eslatib o‘tamiz, Uzcard va Humo tizimlari integratsiyasi 2021 yilda boshlangan edi. Tomonlar birining kartasi ikkinchisining terminalida ham ishlashiga kelishib olgandi.
2022 yilda Uzcard ham kontaksiz to‘lov funksiyasiga ega kartalar chiqarishni yo‘lga qo‘ydi.
