Qirg‘iziston prezidenti mamlakat fuqarolari Moskvadagi omborxonada chiqqan yong‘in oqibatida halok bo‘lgani munosabati bilan 29 avgustni motam kuni deb e'lon qildi. Bu haqda RIA Novosti xabar bergan.
"Prezident 29 avgustni fojia qurbonlari xotirasi uchun motam kuni deb e'lon qildi", deyilgan xabarda.
Shu kuni mamlakatda davlat bayroqlari tushirilib, qo‘ngilochar tadbirlar bekor qilinadi. Radio va telekanallarda ko‘ngilochar dasturlar va reklama to‘xtatiladi.
Yong‘in 27 avgust, shanba kuni ertalab sodir bo‘ldi. Bundan oldingi xabarlarda hodisa vaqtida halok bo‘lgan 17 kishining 14 nafari qirg‘izistonlik ekani ma'lum qilingandi.
