14:10 / 16.11.2016
9124

KXDR terma jamoasi jahon chempioni bo‘lmoqchimi?

Foto: AFP

Pxenyandagi xalqaro futbol akademiyasi murabbiyi Ri Yu Il Shimoliy Koreyaning futbol borasidagi kelgusi rejalari bilan o‘rtoqlashdi.

«Biz shogirdlarimizni shunday tayyorlaymizki, ular kelajakda super iqtidorli futbolchi bo‘lib yetishadi. Ular o‘zining harakatlari bilan xuddi Lionel Messidek boshqalardan ajralib turishi kerak.

Bugungi kunga keladigan bo‘lsak, biz Osiyoda yetakchilik qilishimiz kerak. Kelajakda esa jahon futbolida shunday natijalarga erishamiz», — degan shimoliy koreyalik murabbiy.

KXDRning norvegiyalik bosh murabbiyi Yorn Andersen esa bu bayonotga shunday munosabat bildirib o‘tgan.

«Ular Lionel Messidek iqtidorli futbolchi chiqaradi deb o‘ylamayman. Ammo ular Osiyoda muvaffaqiyat qozonishi mumkin bo‘lgan futbolchilar yetishtirib berishga qodir. Bu yerda iqtidorlar ko‘p va ular albatta o‘z mamlakatlarida qolishi kerak. Ular KXDRdan chiqib keta olmaydi», degan u.

Mavzuga oid
Top