Amerika va Kanada geofiziklari Mars yuzasi ostiga yashiringan, muzlagan suvdan iborat ulkan dengizni topishga muvaffaq bo‘lishdi. Bu haqida Geophysical Research Letters jurnalida berilgan tadqiqot xulosalariga asoslanib, NASA ma'lum qildi.
Suv muzi (50-80 foiz), qum va gazlardan iborat qatlam Utopiya tizmalarining g‘arbiy qismi yuzasidan 1-10 metr chuqurlikda joylashgan. Muzlagan hovuz 80-170 metr qalinlik hamda 14,3 ming kub kilometr hajmga ega.
Olimlar muzlagan dengizni SHARAD (Shallow Radar) radiolokatori va MRO (Mars Reconnaissance Orbiter) orbital stansiyasi yordamida topishga muvaffaq bo‘lishdi.
MRO orbital qurilmasi 2005 yilda Marsga yo‘naltirilgan, 2006 yilda esa Qizil sayyoraga yetib borgan. 2008 yilda uning asosiy missiyasi yakunlangan, biroq NASA zond faoliyatini davom ettirdi. Qurilma sayyora yuzasi s'yomkalaridan tashqari, roverlardan Yerga signal uzatishda ham ishtirok etadi.
