Foto: © Fotolia
Turkiyaga oktabr oyida kelgan sayyohlar miqdori hisoblab chiqildi. Bu haqdagi ma'lumot Turkiya madaniyat va turizm vazirligi saytida chop etilgan.
Ta'kidlanishicha, 2015 yilning oktabr oyi bilan taqqoslaganda sayyohlar oqimi biroz pasaygan.
Oktyabrda kelgan turistlar bo‘yicha birinchi o‘rin Germaniyaga nasib etdi – 491 ming kishi. Ikkinchi pog‘ona rossiyaliklar tomonidan egallangan bo‘lsa (223 ming), uchinchi o‘rin Gruziyadan kelgan sayyohlarga nasib etdi (178 ming).
Turkiya kurortlarida bir oy davomida hammasi bo‘lib esa 2,5 million xorijlik hordiq chiqardi. O‘tgan yili bu raqam 3,3 million kishini tashkil qilgandi.
