Shavkat Mirziyoyev 4 dekabr kuni bo‘lib o‘tgan O‘zbekiston Prezidenti saylovida saylovchilarning eng ko‘p — 88,61 foiz ovoziga ega bo‘ldi.
Markaziy saylov komissiyasi raisi Mirzo Ulug‘bek Abdusalomovning ma'lum qilishicha, saylovda, dastlabki ma'lumotlarga ko‘ra, O‘zbekiston Tadbirkorlar va ishbilarmonlar harakati — Liberal-demokratik partiyasi (O‘zLiDeP) uchun 15 906 724 fuqaro ovoz bergan.
Shavkat Mirziyoyev brifing vaqtida qisqa nutq so‘zladi. U o‘z nutqida saylovoldi dasturiga kiritilgan barcha vazifalar bajarilishini bildirdi. U O‘zbekiston xalqiga farovonlik, tinchlik va baxt-saodat tiladi.
Qayd etish kerakki, nomzod o‘z saylovoldi kampaniyasi davomida mamlakatning birinchi prezidenti Islom Karimov olib borgan siyosatni davom ettirishini ma'lum qilgan.
So‘z oxirida Shavkat Mirziyoyev saylov kuzatuvchilariga minnatdorchilik bildirdi.