Rasmiy ma'lumotlarga ko‘ra, Hillari Klinton xalq ovoz berishlarida Donald Trampdan 2,9 mln ko‘proq ovoz olgan. Unga 65 mln 844 ming 965 nafar saylovchi ovoz bergan (48,2 foiz), Trampda bu ko‘rsatkich — 62 mln 979 ming 879 saylovchini tashkil etgan (46,1 foiz).
AQShdagi saylovning yakuniy natijalari shuni ko‘rsatdiki, U Hillari Klinton mamlakat tarixida shu vaqtgacha saylovlarda mag‘lub bo‘lgan nomzodlar orasida eng ko‘p qo‘llab-quvvatlashga erishgan holda yutqazgan nomzod bo‘ldi.
Berilgan ovozlar hajmiga ko‘ra, Klinton 2012 yilgi saylovda g‘alaba qilgan Barak Obamadan ham yaxshiroq natija ko‘rsatgan: farq 390 ming ovoz.
Eslatib o‘tamiz, oldinroq saylashga vakil qilinganlar Trampni AQSh prezidenti lavozimiga saylagani haqida xabar berilgandi. U Saylovchilar hay'atining 304 ovoziga ega bo‘lgan. Qonun bo‘yicha 270ta ovozni to‘plagan nomzod davlat rahbarligiga saylanadi. Trampning saylovdagi asosiy raqibi demokrat Hillari Klinton 224 ovoz olgan.
