Toshkent kimyo-texnologiya institutida (TKTI) yangi rektor ish boshladi.
Manba bergan ma'lumotga ko‘ra, O‘zbekiston bosh vaziri Abdulla Aripov qaroriga ko‘ra, Shuhrat Ahmatjonovich Mutalov institutga rektor etib tayinlangan.
Mutalov bunga qadar institutda rektorning o‘quv ishlari bo‘yicha prorektori sifatida faoliyat ko‘rsatib kelayotgandi.
U uzoq yillar institutga rahbarlik qilgan Sadriddin Mahammadinovich Turobjonov o‘rnida ish boshlagan.
Bundan oldinroq Turobjonov Toshkent davlat texnika universitetiga rektor etib tayinlangani haqida ma'lum qilingandi.
