20:27 / 30.06.2017
11036

Go‘zal tabassum formulasi aniqlandi

Minneapolisdagi Minnesota universiteti xodimlari oddiy tabassum qilgan insonga nisbatan "og‘iz-quloq" jilmaygan kishi boshqalarni o‘ziga ko‘proq jalb qilishi haqidagi "afsona"ni inkor qilishdi. «Ekonomika segodnya»da shu haqida maqola taqdim etildi. 

O‘tkazilgan tadqiqot davomida 800 nafar ko‘ngilli tabassumli kishilar suratini ko‘zdan kechirdi va ularning samimiyligi hamda jozibadorligini baholdi. 

Maxsus dastur yuzning barcha chizgilarini, shu jumladan og‘iz chetining shakli, ustki va pastki lab o‘rtasidagi masofa, ularning to‘g‘ri yoki qiyshiqroqligi va boshqa elementlarni ko‘rsatgan.

Ma'lum bo‘lishicha, tajriba ishtirokchilariga ko‘proq kamtar va "me'yoriy" tabassum sohiblari ma'qul kelgan.

Olimlarning fikricha, bu natijalar plastik jarrohlar va kosmetologlarning ishida yordam beradi. 

Top