Adliya vazirligi tashabbusi bilan respublikadagi barcha viloyatlarda davlat organlari va tashkilotlari yuridik xizmati xodimlarining malakasini oshirish bo‘yicha sayyor o‘quv kurslari tashkil etilmoqda.
Rejaga ko‘ra Andijon viloyatida sayyor tartibda o‘quv mashg‘ulotlari Andijon Davlat universitetida o‘tkazilmoqda.
Sayyor o‘quv mashg‘ulotlarida 100 nafar yuridik xizmat xodimi hamda 72 nafar advokat malakasini oshirmoqda. Shu bilan birgalikda Andijon viloyat adliya boshqarmasi hamda Adliya vazirligi huzuridagi yuristlar malakasini oshirish markazi xodimlari tomonidan joylarda turkum uchrashuvlar o‘tkazilmoqda.
