Foto: uralairlines.ru.
«Uralskiye avialinii» aviakompaniyasi Moskva (Domodedovo) – Qarshi yo‘nalishi bo‘yicha yangi reysni yo‘lga qo‘ymoqda. Bu haqda kompaniya saytida xabar berilgan.
Reys 2 maydan boshlab amalga oshiriladi. Moskvadan Qarshiga parvoz – seshanba va chorshanba kunlari, Qarshidan Moskvaga – seshanba hamda payshanba kunlari.
Aviatashuvchi barcha parvozlarni «Biznes» va «Iqtisod» toifasidagi salonlar bilan jihozlangan Airbus avialaynerlarida amalga oshiradi.
Saytdagi ma'lumotga ko‘ra, bir tomonga chipta narxi 9 ming rubldan boshlanadi (taxminan 1,1 mln so‘m).
