15:33 / 22.05.2018
48246

O‘zbekiston mudofaa vaziri Sergey Shoygu bilan uchrashdi

21 may kuni Rossiya Federatsiyasining mudofaa vaziri, armiya generali Sergey Shoygu boshchiligidagi Rossiya Federatsiyasi harbiy delegatsiyasi rasmiy tashrif bilan O‘zbekiston Respublikasiga keldi.

22 may kuni O‘zbekiston Respublikasi Mudofaa vazirligida yuqori martabali mehmonni O‘zbekiston mudofaa vaziri, general-mayor Abdusalom Azizov kutib oldi. Bu haqda Kun.uz’ga Mudofaa vazirligi matbuot xizmati xabar berdi.

Foto: Mudofaa vazirligi matbuot xizmati

Uchrashuvda mudofaa sohasida O‘zbekiston-Rossiya hamkorligini rivojlantirishning bugungi holati va istiqbollari, harbiy-texnikaviy sohada o‘zaro manfaatli aloqalarni mustahkamlash masalalari yuzasidan fikr almashildi.

Foto: Mudofaa vazirligi matbuot xizmati

Eslatib o‘tamiz, ikki mamlakatning Mudofaa vazirliklari o‘rtasida ikki tomonlama harbiy va harbiy-texnikaviy hamkorlikning huquqiy asoslari davlatlararo, hukumatlararo va idoralararo tuzilmalarning o‘ttizga yaqin hujjat sanaladi.

Foto: Mudofaa vazirligi matbuot xizmati

2000 yildan boshlab, O‘zbekiston va Rossiya o‘rtasidagi harbiy hamkorlik ikki davlat Mudofaa vazirliklari o‘rtasida har yili tasdiqlanadigan Harbiy hamkorlik bo‘yicha reja asosida amalga oshiriladi. Bu rejalarni amalga oshirish doirasida tezkor va jangovar o‘quv, ta'lim, harbiy xizmatchilarni tayyorlash va malakasini oshirish, zamonaviy axborot-kommunikatsiya texnologiyalarini qo‘llash, havo harakatini boshqarish va parvozlar xavfsizligini ta'minlash, harbiy-texnikaviy hamkorlikni rivojlantirish, tibbiy ta'minotni yaxshilash bo‘yicha tadbirlar amalga oshirilmoqda. Bu davrda, yuqorida aytib o‘tilgan rejalar doirasida ikki davlat hududida ortiq 290 qo‘shma tadbirlar o‘tkazildi.

2017 yil 24 oktabrda Toshkentda mintaqaviy xavfsizlik masalalari bo‘yicha O‘zbekiston-Rossiya maslahatlashuvlarining beshinchi raundi bo‘lib o‘tdi. 2017 yil sentabridan boshlab O‘zbekiston Respublikasining Rossiya Federatsiyasidagi elchixonasi huzurida harbiy attashe mavjud.

2017 yil oktabr oyining boshida Forish tog‘ poligoni (Jizzax viloyati) bazasida o‘tkazilgan O‘zbekiston-Rossiya qo‘shma harbiy mashqlari ikki tomonlama munosabatlarni yanada mustahkamladi va o‘zaro manfaatli aloqalarga yangi turtki berdi. Xususan, O‘zbekiston va Rossiya qurolli kuchlarining tegishli bo‘linmalari eng qiyin tog‘ sharoitida birgalikda ishlash tajribasi va qobiliyatlarini namoyish qildi.

Uchrashuvdan so‘ng yuqori martabali mehmon O‘zbekiston Qurolli kuchlari akademiyasiga tashrif buyurib, oliy harbiy ta'lim muassasasining vazifalari, faoliyati va tarixi, shuningdek, harbiy xizmatchilarni o‘qitishning yangicha yondashuvlari bilan tanishdi.

Foto: Mudofaa vazirligi matbuot xizmati
Foto: Mudofaa vazirligi matbuot xizmati
Foto: Mudofaa vazirligi matbuot xizmati
Foto: Mudofaa vazirligi matbuot xizmati
Foto: Mudofaa vazirligi matbuot xizmati
Foto: Mudofaa vazirligi matbuot xizmati

Qayd etilishicha, 22 may kuni Rossiya Federatsiyasi harbiy delegatsiyasi a'zolari Samarqandning tarixiy va madaniy yodgorliklari bilan tanishadilar.

Top