Foto : Toyota
“Avtostat” agentligi mutaxassislari dunyoda eng ko‘p sotiluvchi krossoverlar reytingini tuzishdi.
Reytingning eng yuqori pog‘onasini Toyota RAV4 egallagan. Mutaxassislar buni jahon bozorlaridagi savdolarni tahlil qilib aniqlashdi. 2018 yilning yanvaridan iyunigacha ushbu modeldagi mashinadan 408,7 ming dona sotilgan.
2-o‘rinni Volkswagen Tiguan egallagan. Bu mashinadan 405,1 ming dona sotilgan. 3-o‘rinni esa joriy yilning 1-yarmida 337,8 ming dona sotilgan Honda CR-V krossoveri egallagan.
4-o‘ringa 279,2 ming dona sotilgan Hyundai Tucson, 5-o‘ringa 272,1 ming dona sotilgan Nissan Qashqai qo‘yilgan.
Yetakchi o‘ntalikdan, shuningdek, Mazda CX-5, Nissan Rogue, KIA Sportage, Haval H6 va Chevrolet Equinox yo‘ltanlamaslari o‘rin olgan.
