Toshkent shahri, Mirzo Ulug‘bek va Mirobod tuman hokimligida tuman xotin-qizlar qo‘mitalarining hisobot-saylov konferensiyasi bo‘lib o‘tdi. Bu haqda KUN.UZ’ga Toshkent shahar hokimligi Matbuot xizmati xabar bermoqda.
Mirobod tumanida bo‘lib o‘tgan tadbirda 150 nafar ishtirokchi, jumladan, tuman xotin-qizlar qo‘mitasining boshqaruvi a'zolari va joylarda boshlang‘ich tashkilotlardan saylangan delegatlar ishtirok etishdi. Yig‘ilishda tashkiliy masala ko‘rib chiqilib, 2012 yildan Mirobod tuman xotin-qizlar qo‘mitasi raisi lavozimda ishlab kelgan Madaminova Feruza Vohidovna kayta shu lavozimga saylandi.
Mirzo Ulug‘bek tumanida bo‘lib o‘tgan hisobot-saylov konferensiyasi yig‘ilishida ham tashkiliy masala ko‘rildi. Unga ko‘ra, Mirzo Ulug‘bek tuman xotin-qizlar qo‘mitasi raisi etib, Safarova Xurshida Ochilovna saylandi. Shuningdek, hisobot-saylov konferensiyada qo‘mita nazorat taftish komissiyasi tarkibi ham tasdiqlandi.
Foto: Toshkent shahar hokimligi axborot xizmati
Yig‘ilishda yo‘l qo‘yilgan kamchiliklarga tanqidiy baho berilib, kelgusida amalga oshiriladigan ustuvor vazifalar belgilab olindi. Ma'lumot uchun, bugungi kunda tumanda 539 ta boshlang‘ich tashkilot mavjud. Konferentsiya ishida ularning 220 nafar vakili ishtirok etdi.
