23:44 / 14.11.2018
15824

Muvaffaqiyatsizlikdan foyda olish usullari

Muvaffaqiyatsizlik bari yakunlanganini anglatmaydi. Ular bizga o‘sish, rivojlanish, yangi marralarga erishish va o‘zimiz hamda hayotni yaxshiroq tushunishda yordam beradi.

Foto: Unsplash

Muvaffaqiyatsizligingiz sabablarini sanab o‘ting

Muvaffaqiyatga erishishni istaganimizda muayyan reja, orzuimizdagi narsa ko‘z o‘ngimizda gavdalanadi. Xatoga yo‘l qo‘yganingizda ularni yodga oling. Mag‘lubiyatga sabab bo‘lgan jihatlarni tahlil qiling.

O‘ylab ko‘ring, hech nimaga qaramay, orzuingizga erishishni istaysizmi? Agar javobingiz “ha” bo‘lsa, chekinmang. Agar maqsadingiz sari intilish uchun ishtiyoqingiz bo‘lmasa, mag‘lubiyat ustun kelishiga yo‘l qo‘ymang.

O‘z xatolaringizni tan oling

Xatolarni tan olish va ular uchun javob berish – mas'uliyatli kishilarga xos jihat. Muvaffaqiyatsizlikka erishganingizni yashirishning hech qanday sababi yo‘q. Bunda har doim ham vaziyat yoki boshqa kishilar aybdor bo‘lishmaydi. Shaxsiy tanlov uchun o‘zingizni oqlashingiz shart emas. Kelajakda bunday xatolarga yo‘l qo‘ymasligingizni tan oling.

O‘tmishdagi xatolar kelajakdagi muvaffaqiyatni ta'minlaydi.

Foto: Unsplash

O‘z xatolaringizdan saboq chiqaring

Muvaffaqiyatsizlik sabablariga ko‘z yummang. O‘zgalar hamda shaxsiy xatolardan saboq olish mumkin. Ularni bartaraf etish yo‘llarini yozing. Bu ro‘yxatni o‘zingizni ayblash uchun sabab sifatida qabul qilmang. Bu tajriba sizga kelajakda asqotadi.

Taslim bo‘lmang

Maqsad sari yo‘lda yiqilib tushsangiz ham o‘rningizdan turing, ust-boshingizni qoqib, olg‘a harakat qiling. Bu harakatlarni manzilga yetib kelmagunga qadar takrorlang. Har kuni oz-ozdan harakatlanish yarim yilda bir marta ishga kirishishga qaraganda afzal.

Foto: Unsplash

O‘zingizga bo‘lgan ishonchni yo‘qotmang

Muvaffaqiyatsizlik o‘z kuchingizga ikkilanish hissini uyg‘otishi mumkin. Biroq o‘z-o‘ziga ishonish hissi har qanday qiyinchilikni yengishda yordam beradigan qimmatga ega jihat.

Yaqinlar yordamidan foydalaning. Aynan shunday vaziyatda bo‘lganlarni toping. Ulardan sizni o‘z maslahatlari bilan yo‘naltirishlarini so‘rang.

O‘z-o‘zingizga g‘alaba uchun kuch va irodangiz yetarli ekanini eslating.

Axir muvaffaqiyatsizlikni boshdan kechira olgan bo‘lsangiz, maqsadga erishish yo‘lidagi qolgan murakkabliklarni yengib o‘tish qo‘lingizdan kelishi aniq.

Mavzuga oid
Top