Serbiyalik Novak Jokovich Professional tennischilar uyushmasining (ATR) yakuniy musobaqasi yarimfinalida janubiy afrikalik Kevin Andersonni mag‘lub etib, musobaqa finaliga yo‘l oldi. Londonda o‘tayotgan musobaqalarning mukofot jamg‘armasi 8 mln dollarni tashkil qiladi.
Uchrashuv 6:2, 6:2 hisobida ayni vaqtda ATR reytingida 1-o‘rinni egallayotgan serb foydasiga yakunlangan.
Jokovich finalda nemis Aleksandr Zverev bilan uchrashadi. Zverev avvalroq jahonning 3-raqamli tennischisi Rojyer Federerni mag‘lub etgandi.
Final bahsi bugun, 18 noyabrda bo‘lib o‘tadi.