Foto: Liverpool FC
«Liverpul» yarimhimoyachi Sadio Mane bilan shartnomani uzaytirish borasida kelishib oldi. Bu haqda klub rasmiy sayti xabar berdi.
Yangi bitim shartlari, jumladan uning muddati ham ma'lum qilinmagan. Faqat kelishuv uzoq muddatli ekani ta'kidlangan xolos.
«Liverpul» bilan shartnomani uzaytirishdan juda xursandman. Bugun men uchun ajoyib kun bo‘ldi. Faoliyatimdagi eng yaxshi qarorni qabul qildim», - deb aytdi Mane.
Amaldagi kelishuv 2021 yilda nihoyasiga yetishi kerak edi.
APLning ushbu mavsumida Sadio 11 o‘yinda 6 ta gol urgan. U 2016 yildan buyon «qizillar» a'zosi sanaladi.
