Xitoy Tashqi ishlar vazirligidan ma'lum qilishlaricha, Pekin AQShning iqtisodiy josuslik bo‘yicha ayblovlarini keskin rad etadi hamda Vashingtonni ayblovlarni bekor qilishga chaqiradi. Bu haqda Reuters xabar bermoqda.
Shuningdek, Tashqi ishlar vazirligi Qo‘shma Shtatlarni tijorat sirlarini o‘g‘irlashda gumonlanayotgan Xitoyning ikki fuqarosiga qarshi ayblovlarni bekor qilishga chaqirdi. 20 dekabr kuni kechqurun AQSh va Buyuk Britaniya Xitoyning ikki fuqarosiga xavfsizlik xizmatlari buyurtmasiga ko‘ra xakerlik hujumlarini amalga oshirganlik bo‘yicha ayblov qo‘ydi.
Avvalroq, AQSh prezidenti Donald Tramp ma'muriyati Xitoyni iqtisodiy josuslikda ayblash niyatida ekani haqida ma'lumotlar paydo bo‘lgandi.
Eslatib o‘tamiz, bundan avval AQSh Afrikada Rossiya va Xitoy bilan raqobatni boshlamoqchi ekani ma'lum qilindi.
