G‘ijduvon tumani ko‘cha va xiyobonlari yangi yil arafasida o‘zgacha qiyofa kasb etgan. Ayniqsa, tuman markazida bezatilgan archa g‘ijduvonliklar va u yerga tashrif buyurgan mehmonlarning hayratiga sabab bo‘lmokda. Bu yer kech bo‘lganiga qaramay odamlar bilan gavjum va ularning chehralarida xursandchilik, shukronalik hamda vatanga bo‘lgan muhabbatlarini ko‘rish mumkin. Tuman ahli oxirgi ikki yilda yangi yil bayram tadbirlari o‘zgacha shukuhda nishonlanayotganligini bildirmokda. Bunday bayramona kayfiyat ulashilayotganligi uchun tuman aholisi Prezidentimiz va hudud rahbarlariga o‘z minnatdorchiligini bildirmoqda.
